जल हेच जीवन निबंध मराठी 
पाणी म्हणजे जीवन मराठी निबंध

जल हेच जीवन निबंध मराठी : सर्वसाधारणत पाणी हे तीन अवस्थांमध्ये आढळते. बर्फ, पाणी व हवेतील पाण्याची वाफ, आपण आपल्या दैनदिन जीवनात सकाळी उठल्या पासून ते रात्री झापेपर्यंत घरात पाण्याचा वापर करतो, पृथ्वी वरील सर्व पाणी आपण वापरू शकत नाही कारण समुद्रातील पाणी खारट आहे. काही पाणी गोठलेल्या अवस्थेत आहे. अत्यल्प पाणी पिण्यासाठी उपलब्ध आहे. तरीदेखील ते सर्व सजीवांना पुरेसे आहे.

पृथ्वीवरील उपलब्ध पाणी पैकी आपणास वापरात येऊ शकणारे पाण्याचे प्रमाण शेकडा 0.03% इतके आहे, पाण्याशिवाय दिवस काढणे हे आपल्या सर्वांना जवळजवळ अशक्य आहे. मानवी शरीराच्या सर्व क्रिया सुलभ चालाव्यात म्हणून दररोज तीन ते चार लीटर पाणी पिण्याची गरज असते. इतर सजीवांना देखील पाण्याची अशीच गरज असते. त्यांच्या शरीराच्या आकारमानानुसार हे प्रमाण कमी-जास्त असते. यावरूनच आपल्या ला पाण्याचे महत्त्व लक्षात येते. अनेक पदार्थ पाण्यामध्ये सहज विरघळतात म्हणून पाणी हे वैश्विक द्रावक आहे.कोणत्याही सजीवाला पाण्याशिवाय जिवंत राहणे शक्य नाही, म्हणून पाण्याला ‘जीवन’ असे म्हणतात. यावरूनच आपण असे म्हणतो “जल हेच जीवन”.

इतर सर्व सजीवांमध्ये मानव मोठ्या प्रमाणावर पाण्याचा वापर करतो. पृथ्वीवरील पाण्याचे नियमन जलचक्रा द्वारे होते जलचक्राला बाष्प पुरवण्याचे काम महासागराकडून होत असते. त्यापासूनच पाऊस पडून जमिनीवर गोड्या पाण्या चे स्रोत निर्माण होतात.

पाणी हे आपल्याला ओढे, नदी, तळी, झरे, सरोवरे हे जमिनीवरील नैसर्गिक स्रोत यांद्वारे आपणास मिळते, त्याशिवाय आपण कूपनलिका, विहीर खोदून भूगर्भातील पाण्याचा उपसा करत असतो. यासोबतच आपण  नद्यांवर बंधारे, लहान मोठी धरणेही बांधली आहेत. वाढती लोकसंख्या , उद्योग, शेती यासाठी पाण्याचा अनिर्बंध वापर होत असल्यामुळे आता हे पाणी कमी पडू लागले आहे. यामुळेच पाणीटंचाई ही गंभीर समस्या निर्माण झाली आहे.